MyConstitution Myanmar

ကျွန်ုပ်တို့စီမံကိန်းအကြောင်း

MyConstitution စီမံကိန်းသည် မြန်မာနိုင်ငံရှိမိတ်ဖက်များနှင့် လက်တွဲကာ အခြေခံဥပဒေတည်ဆောက်ခြင်းနှင့်ပက်သက်ပြီး အသိပညာများ ပိုမိုတိုးမြင့်အားကောင်းလာစေရန် လုပ်ဆောင်လျှက်ရှိသည်။ စီမံကိန်း၏ရည်ရွယ်ချက်သည် မြန်မာနိုင်ငံတွင် ပြည်တွင်းဖြစ်ဖြစ်သော၊ အသိပညာကြွယ်ဝသော၊ အားလုံးပါဝင်သော ဖွဲ့စည်းပုံအခြေခံဥပဒေဆိုင်ရာ ယဉ်ကျေးမှု တစ်ရပ်ဖော်ဆောင်ရန် ဖြစ်သည်။ ထို့သို့ လုပ်ဆောင်ရာတွင် အောက်ဖော်ပြပါ အထောက်အပံ့များ ပံ့ပိုးပေးခြင်းဖြင့် လုပ်ဆောင်ပါသည်။ 

• ဖွဲ့စည်းပုံအခြေခံဥပဒေတည်ဆောက်ခြင်းနှင့် သက်ဆိုင်သော  စေ့စပ်ဆွေးနွေးခြင်း၊  ဆုံးဖြတ်ချက်ချမှတ်ခြင်းစသည့် လုပ်ငန်းများတွင်   ပါဝင်လုပ်ကိုင်နေသူများအတွက်  တောင်းဆိုချက်အပေါ်အခြေခံသည့် အကြံပြုချက်များကို ပညာရှင်များမှပံ့ပိုးခြင်း။
• မြန်မာနိုင်ငံ၏  သမိုင်းကြောင်းနှင့် နှိုင်းယှဉ်လေ့လာသုံးသပ်ချက်များပေါ်တွင် အခြေခံသည့် သိသင့်သိထိုက်သော ဖွဲ့စည်းပုံအခြေခံဥပဒေဆိုင်ရာ ကိစ္စရပ်များကို လေ့လာခြင်း။
• ဖွဲ့စည်းပုံအခြေခံဥပဒေနှင့်ဆက်စပ်သောကိစ္စရပ်များနှင့်ပက်သက်ပြီး   တွေ့ဆုံဆွေးနွေးနိုင်မည့်အခွင့်အလမ်းများ ဖန်တီးပေးခြင်း။
• ဖွဲ့စည်းပုံအခြေခံဥပဒေဆိုင်ရာကိစ္စရပ်များနှင့်သက်ဆိုင်သော  စာအုပ်စာတမ်းများ၊ သတင်းအချက်အလက်များကို  မြန်မာနှင့်အင်္ဂလိပ်ဘာသာဖြင့်ထုတ်ဝေခြင်း။
• မြန်မာနိုင်ငံ၏အခြေအနေနှင့်လိုက်လျောညီထွေရှိစေသည့် ကောင်းမွန်စွာရေးဆွဲထားသော  အကဲဖြတ်မှုနည်းလမ်းများကိုကျင့်သုံးနိုင်ရန် အထောက်အပံ့များနှင့်လက်တွေ့လမ်းညွှန်ကိရိယာများပံ့ပိုးပေးခြင်း တို့ဖြစ်ပါသည်။

MyConstitution သည် ကြားဖြတ်အုပ်ချုပ်ရေးအဖွဲ့အစည်းများ၊ နိုင်ငံရေးပါတီများ၊ လွှတ်တော်ကိုယ်စားလှယ်များ၊ တိုင်းရင်းသားလက်နက်ကိုင်အဖွဲ့အစည်းများ၊ မီဒီယာများနှင့် အရပ်ဘက်အဖွဲ့အစည်းများ အပါအဝင် သက်ဆိုင်သူအများအပြားနှင့်လက်တွဲဆောင်ရွက်လျှက်ရှိပါသည်။

International IDEA မြန်မာ အကြောင်း

ဒီမိုကရေစီနှင့်ရွေးကောက်ပွဲဆိုင်ရာအကူအညီပေးရေးနိုင်ငံတကာအဖွဲ့အစည်း (International IDEA) သည်   မြန်မာနိုင်ငံတွင် ဒီမိုကရေစီအသွင်ကူးပြောင်းရေးကို ပိုမိုအားကောင်းလာစေရန်၊ ဖွဲ့စည်းပုံအခြေခံဥပဒေဆိုင်ရာ ပညာရှင်များအားကောင်းလာစေရန်၊ နိုင်ငံတည်ဆောက်ရေးနှင့် အုပ်ချုပ်စီမံရေးတို့ကို ကူညီထောက်ပံ့ရန် မြန်မာနိုင်ငံရှိ ဒီမိုကရက်တစ်သက်ဆိုင်သူများနှင့် ပူးပေါင်းလုပ်ဆောင်လျှက်ရှိသည်။ International  IDEA ကို မြန်မာနိုင်ငံတွင် ၂၀၁၂ ခုနှစ်ကတည်းက အစပြုခဲ့သည်။ ၂၀၂၁ ခုနှစ် ဖေဖော်ဝါရီ အာဏာသိမ်းမှုကိုတုံ့ပြန်သောအားဖြင့် ရန်ကုန်နှင့် နေပြည်တော်မြို့များရှိရုံးများကို ယာယီပိတ်ထားပြီး ဒီမိုကရေစီအကူအညီအထောက်အပံ့များကို နိုင်ငံပြင်ပမှ ပံ့ပိုးပေးလျှက်ရှိသည်။