External Links MM

အခြားလင့်ခ်များ 

 

'IDEAlogo'

  

"flagMM"

  

"2"

  

"GSoD"

International IDEA မြန်မာအကြောင်း

 

မြန်မာနိုင်ငံဖွဲ့စည်းပုံအခြေခံဥပဒေဆိုင်ရာအကြောင်း

 

မြန်မာနိုင်ငံဖွဲ့စည်းပုံအခြေခံဥပဒေဆိုင်ရာ သတင်းများ

 

ကမ္ဘာလုံးဆိုင်ရာ ဒီမိုကရေစီအဆင့်သတ်မှတ်ချက်အစီရင်ခံစာ ၂၀၂၁

International IDEA သည် မြန်မာနိုင်ငံတွင် ဒီမိုကရေစီအသွင်ကူးပြောင်းမှုကို ခိုင်မာစေရန်၊ ဖွဲ့စည်းပုံအခြေခံဥပဒေဆိုင်ရာ ကျွမ်းကျင်မှု၊ နိုင်ငံတည်ဆောက်ရေးနှင့် အုပ်ချုပ်မှုစနစ်တို့ အားကောင်းလာစေရန်အတွက် မြန်မာနိုင်ငံရှိ ဒီမိုကရက်တစ် သက်ဆိုင်သူများနှင့် လက်တွဲဆောင်ရွက်ပါသည်။ International IDEA သည် မြန်မာနိုင်ငံတွင် ၎င်းရုံးခန်းကို ၂၀၁၂ ခုနှစ်တွင် စတင်တည်ထောင်ခဲ့သည်။ ၂၀၂၁ ခုနှစ် ဖေဖော်ဝါရီလတွင် စစ်တပ်က အာဏာသိမ်းပြီးနောက် International IDEA သည် ...

  

မြန်မာနိုင်ငံသည် ၁၉၄၈ ခုနှစ်တွင် ဗြိတိသျှအင်ပါယာမှ လွတ်လပ်ရေးရရှိခဲ့သည်။ အစဦးပိုင်း၌ ဒီမိုကရက်တစ်စနစ်ရှိခဲ့သော်ငြား ၁၉၆၂ ခုနှစ်တွင် အာဏာသိမ်းပြီးနောက်ပိုင်း စစ်အာဏာရှင်အစိုးရကို ထူထောင်ခဲ့ပါသည်။ စစ်အစိုးရသည် ၎င်းနှင့်သဘောထားကွဲလွဲသူအားလုံးမှန်သမျှကို ဖိနှိပ်ခဲ့ပြီး လူ့အခွင့်အရေးများချိုးဖောက်မှုများရှိသည်ဟု စွပ်စွဲခံရကာ နိုင်ငံတကာမှ သီးသန့်ဖယ်ကြဉ်မှုနှင့် ပိတ်ဆို့အရေးယူမှုများ ဖြစ်ပေါ်စေခဲ့သည်။ ၂၀၁၁ ခုနှစ်တွင် စစ်တပ်က...

  

၂၀၂၁ ခုနှစ်တွင် Covid-19 ကပ်ရောဂါသည် ကမ္ဘာတဝှမ်းရှိ ဖွဲ့စည်းပုံအခြေခံဥပဒေပြုပြင်ပြောင်းလဲရေးသဘာ၀နှင့် လုပ်ငန်းစဉ်များ၏ နောက်ခံအကြောင်းရင်းတစ်ရပ်ဖြစ်လာခဲ့ပြီး သက်ရောက်မှုများရှိစေခဲ့ကာ နိုင်ငံရေး၊ စီးပွားရေးနှင့် လူမှုရေးအခင်းအကျင်းတို့တွင် ဆက်လက်နေရာယူလွှမ်းမိုးထားလျှက်ရှိသည်။ နိုင်ငံတကာအင်စတီကျု၏ ဖွဲ့စည်းပုံအခြေခံဥပဒေတည်ဆောက်ရေးအစီအစဉ်...

  

ဒီမိုကရေစီမဟုတ်သော အစိုးရများသည် ၎င်းတို့၏ ဖိနှိပ်မှုများကို ပို၍ ပြောင်ပြောင်တင်းတင်း လုပ်ဆောင်လာကြကာ ကမ္ဘာတစ်ဝှမ်း အာဏာရှင်ဆန်မှု ပိုမိုများပြားလာသည်။ ဒီမိုကရေစီ အစိုးရများစွာသည် လွတ်လပ်စွာ ပြောဆိုခွင့်ကို ကန့်သတ်ခြင်းနှင့် တရားဥပဒေ စိုးမိုးမှု အားနည်းလာစေရန် ၎င်းတို့၏ နည်းဗျူဟာများကို ကျင့်သုံးခြင်းဖြင့် ဒီမိုကရေစီနောက်ကြောင်းပြန်မှုဖြစ်ပေါ်စေပြီး ..

 

'SEA'

  

 

  

 

  

 

SEA JUNCTION 

  

 

  

 

  

 

SEA Junction (သို့မဟုတ် အမည်အပြည့်အစုံအရ "အရှေ့တောင်အာရှဆုံရပ်") သည် ၂၀၁၈ ခုနှစ်တွင် မှတ်ပုံတင်ထားသော၊ အကျိုးအမြတ်မယူသော ထိုင်းဖောင်ဒေးရှင်းတစ်ခုဖြစ်သည့်  အရှေ့တောင်အာရှလေ့လာရေးဖောင်ဒေးရှင်း၏ အဓိကအစီအစဥ်တစ်ခုဖြစ်သည်။  ကျွန်ုပ်တို့၏ရည်ရွယ်ချက်မှာ အနုပညာနှင့် လက်မှုပညာမှသည် စီးပွားရေးနှင့် ဖွံ့ဖြိုးတိုးတက်မှု အစရှိသည့် လူမှု-ယဉ်ကျေးမှုဆိုင်‌ရာ နယ်ပယ်အားလုံးတွင် အရှေ့တောင်အာရှ၏  နားလည်သဘောပေါက်မှုနှင့် တန်ဖိုးထားမှုကို မြှင့်တင်ရန်ဖြစ်သည် ...

      

 

  

 

 စာမူများ၊ ဓာတ်ပုံများ၊ ပန်းချီများ ဖိတ်ခေါ်ခြင်း

'CallForApplicationInBurmese'

စစ်အာဏာသိမ်းခံရမှုအောက်တွင် နေထိုင်ခြင်း

မြန်မာနိုင်ငံတွင် စစ်အာဏာသိမ်းခံရပြီးနောက် နေ့စဉ်ဘဝဖြတ်သန်းနေရပုံများကို ရေးသားထားသော ဒိုင်ယာရီများအား စုပေါင်းမှတ်တမ်းတင်ခြင်း

၂၀၂၁ ခုနှစ် ဖေ‌ဖော်၀ါရီလ ၁ရက်နေ့တွင် ဗိုလ်ချုပ်မှူးကြီးမင်းအောင်လှိုင် ဦးဆောင်သည့် မြန်မာစစ်တပ်သည် ‌၂၀၂၁ နို၀င်ဘာလတွင် ကျင်းပသော ရွေးကောက်ပွဲတွင် သောင်ပြိုကမ်းပြို အနိုင်ရခဲ့သော NLD အစိုးရအား ဖြုတ်ချကာ အာဏာသိမ်းယူခဲ့သည်။ ထိုနေ့နံနက်အစောတွင်ပင် နိုင်ငံတော်သမ္မတ ဦး၀င်းမြင့်၊နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊အချို့သော အစိုးရအဖွဲ့၀န်ကြီးများနှင့် ထိပ်ပိုင်းခေါင်းဆောင်များသည် အာဏာသိမ်းစစ်တပ်၏ အဓမ္မထိန်းသိမ်းခြင်းခံလိုက်ရသည်။ ထိုအချိန်မှစ၍ ပြည်သူလူထုသည် အရေးပေါ်အခြေအနေ ကြေငြာခြင်းနှင့် သွေးထွက်သံယိုနှိမ်နင်းမှုများကို အံတုကာ ဆုံးရှုံးသွားသော ဒီမိုကရေစီ ပြန်လည်ရရှိရေးအတွက် နည်းမျိုးစုံဖြင့် တိုက်ပွဲ၀င်နေကြသည်။ နိုင်ငံ့၀န်ထမ်းအချို့သည်လည်း အာဏာဖီဆန်ရေးလှုပ်ရှားမှု(CDM)ဦးဆောင်ကာ ပြည်သူလူထုနှင့်အတူ စစ်အာဏာရှင်၏ အကြမ်းဖက်နှိမ်နင်းမှုများကို ဆက်လက်ဆန့်ကျင်လျှက်ရှိသည်။ နိုင်ငံတကာအသိုက်အ၀န်းသည်လည်း အာဏာသိမ်းယူမှုကို အရေးယူရန်နှေးကွေးခဲ့ပြီး ယခုအခါ စစ်တပ်သည် မြန်မာနိုင်ငံ၏ အချို့ဒေသရှိ နေအိမ်များကိုပါ မီးရှို့ဖျက်ဆီးမှုများလုပ်ဆောင်လာခဲ့ကြသည်။ အမျိုးသားညီညွတ်ရေးအစိုးရသည် နိုင်ငံတော်ကာကွယ်ရေးတပ်ဖွဲ့ကို ဖွဲ့စည်းကာ လက်နက်ကိုင်တိုက်ပွဲ၀င်ရန်ဆုံးဖြတ်ခဲ့သည်။ ၂၀၂၂ ခုနှစ် ဧပြီလ၂၂ရက်နေ့အထိ အာဏာသိမ်းအဖွဲ့သည် လူပေါင်း ၁၇၈၂ ဦးကို သတ်ဖြတ်ထားပြီး လူပေါင်း ၁၀၂၉၀ ကို ထောင်သွင်းအကျဉ်းချထားကာ လူပေါင်း  ၅၆၀၉၀၀ သည် ဘေးလွတ်ရာသို့ ရွှေ့ပြောင်းနေထိုင်နေကြရသည်။  လူပေါင်း ၅၃၀၀၀ သည်လည်း အိမ်နီးချင်းနိုင်ငံများနှင့် နိုင်ငံတာကာသို့ ခိုလှုံခွင့်ရရန် တောင်းခံနေကြရသည်။

 

နိုင်ငံအနှံ့ဖြစ်ပွားနေသောတိုက်ပွဲများ၊ဖမ်းဆီးခံရမှုများအကြောင်းများကို သတင်းမီဒီယာများမှ စဉ်ဆက်မပြတ်ရေးသားထုတ်လွှင့်နေသော်လည်း ပြည်သူများ လက်ရှိရင်ဆိုင်ဖြတ်သန်းနေရသော စီးပွားရေးကျဆင်းမှုများ၊နေ့စဉ်ကြုံတွေ့နေရသောလုံခြုံရေးပြသနာများ၊ယိုယွင်းလာသောကျန်းမာရေးစောင့်ရှောက်မှုများ အစရှိသော အကြောင်းအရာများကို အလေးပေးရေးသားဖော်ပြထားသော သတင်းများသည် တွေ့ရခဲလှသည်။ နိုင်ငံရေးမငြိမ်သက်မှု၊မီးရှို့ဖျက်ဆီးမှုများမြင့်တက်လာမှုနှင့်အတူ နိုင်ငံ၏စီးပွားရေးသည်လဲ ကျဆင်းလာခဲ့သည်။ ထိုကဲ့သို့စီးပွားရေးကျဆင်းလာမှုနှင့်အတူ ငွေကြေးဖောင်းပွခြင်း၊အခြေခံစားသောက်ကုန်စျေးနှုန်းများတရိပ်ရိပ်မြင့်တက်လာခြင်းများ၊အလုပ်အကိုင် အခွင့်အလမ်းဆုံးရှုံးမှုများ မြင့်တက်လာခဲ့သည်။ လျှပ်စစ်မီးပြတ်တောက်ခြင်းသည်လည်း ဆိုးရွားစွာ ရင်ဆိုင်ကြုံတွေ့နေရသည့်အပြင် အစားထိုးသုံးစွဲရန် ဒီဇယ်စျေးသည်လဲ ကမ္ဘာ တစ်၀ှမ်းမြင့်တက်လာမှုကြောင့် တစ်ပူပေါ်တစ်ပူဆင့်လျှက်ရှိသည်။ စစ်ကိုင်း၊မကွေး၊ကချင်၊ကယားနှင့် ချင်းပြည်နယ်ရှိ အချို့နေရာများတွင် အင်တာနက်လိုင်းများ၊ဖုန်းလိုင်းများ ဖြတ်တောက်ထားခြင်းကြောင့် ထိုဒေသရှိ ပြည်သူလူထုသည် ကိုဗစ်ကာလအတွင်း ကျယ်ပြန့်စွာ အသုံးပြုလာသော အွန်လိုင်းပညာရေးစနစ်နှင့် အွန်လိုင်းစီးပွား‌ရေးများ မလုပ်ကိုင်နိုင်ဘဲ ရှိလာခဲ့သည်။အစစအရာ ပျက်စီးလာမှုနှင့်အတူ “မည်သည့်နေရာမှ လုံခြုံမှုမရှိ”ဆိုသည့် ခံစားချက်များ ပြည်သူလူထုကြားထဲတွင် ဖြစ်တည်လာခဲ့သည်။ ထို့ကြောင့် ဤစီမံချက်သည် စစ်အာဏာသိမ်းပြီးနောက် ပြည်သူများသည် လက်ရှိရင်ဆိုင်ကြုံတွေ့နေရမှုများကိုဖြေရှင်းနေရပုံများကို စုဆောင်းမှတ်တမ်းတင်ရန် ပေါ်ပေါက်လာခြင်းဖြစ်သည်။ သမိုင်းဟူသည် မေ့ပျောက်ပစ်ပယ်ရန် မဖြစ်နိုင်သောကြောင့် “စစ်အာဏာသိမ်းမှုအောက်မှာနေထိုင်ခြင်း”ဆိုသည့် ဤဖိတ်ခေါ်ချက်လေးသည်  မြန်မာနိုင်ငံတစ်၀ှမ်းရှိပြည်သူများ(မည်သည့်ဘာသာကိုးကွယ်သူမဆို၊မည်ကဲ့သို့သောပညာရေးနောက်ခံရှိသူမဆို၊ မည်သည့်တိုင်းရင်းသားလူမျိုးမဆို၊အသက်အရွယ်မဆို) စစ်အာဏာသိမ်းခံရအပြီး ရင်ဆိုင်ကြုံတွေ့ခံစားနေရသည်များကို မှတ်တမ်းတင်ထားရန် ရည်ရွယ်ပါသည်။

မိမိ၏ကြုံတွေ့ ခံစားနေရသည်များကို ပြန်လည်မျှ‌ဝေလိုသူများသည် ပြန်လည်မျှ‌‌‌ ‌ဝေလိုပါက မိမိကြိုက်နှစ်သက်ရာ ဘာသာ(အင်္ဂလိပ်သို့မဟုတ် မြန်မာ)ဖြင့် တစ်ရက် မှတစ်ပတ်စာ  ရေးသားထားသော diaries (သို့မဟုတ်) ဓါတ်ပုံများ (သို့မဟုတ်) ပုံဖော်ရေးဆွဲထားသောပန်းချီများ ကို SEA Junction email southeastasiajunction@gmail.com (သို့) Signal +66 970 024 140 ဆက်သွယ်ပေးပို့နိုင်ပါသည်။ ရွေးချယ်ခံရသော စာမူများကို SEA Junction websiteနှင့် စုပေါင်းမှတ်တမ်းစာအုပ်တွင် မှတ်တမ်းတင်ထားမည်ဖြစ်ပြီး စာမူခများလဲ ပေးအပ်ချီးမြှင့်သွားမည် ဖြစ်ပါသည်။ ရေးသားပေးပို့သူများ၏ အမည်များ၊ ကိုယ်ရေးအချက်အလက်များကိုစာရေးသူ၏ ခွင့်ပြုချက်မပါဘဲ ဖော်ပြမည်မဟုတ်သောကြောင့် လုံခြုံစိတ်ချလွတ်လပ်စွာရေးသားပေးပို့နိုင်ပါသည်။

ပေးပို့မည့်အကြောင်းအရာအားလုံးကို ကြိုဆိုလျှက်ပါ။

နောက်ဆုံးပေးပို့ရမည့်ရက် -၂၀၂၂ ခုနှစ် ဇွန်လ ၁၉ရက်

ဖြစ်မြောက်ရေး စီစဉ်ပံ့ပိုးသူများ

SEA Junction

SEA Junction သည် ထိုင်းနိုင်ငံ ဘန်ကောက်မြို့အခြေစိုက် အစိုးရမဟုတ်သော အဖွဲ့အစည်းတစ်ခုဖြစ်ပြီး အရှေ့တောင်အာရှနိုင်ငံများအကြောင်းကို လေ့လာရန်နှင့် အနုပညာလက်ရာများ၊ လူနေမှုပုံစံများ၊ စီးပွားရေးနှင့် ဖွံ့ဖြိုးတိုးတက်ရေးအစရှိသည်တို့ကို ဖော်ထုတ်‌၍ မတူညီသော လူမှုအသိုက်အ၀န်း ယဉ်ကျေးမှုများကို မျှ‌ဝေရန် တည်ထောင်ထားခြင်းဖြစ်သည်။ ထို့အပြင် အရှေ့တောင်အာရှနိုင်ငံများကို စိတ်ဝင်စားသူများ ကျောင်းသားများ ဒေသတွင်းလက်တွေ့လုပ်ကိုင်ဆောင်ရွက်နေသူများ အတွက် အာဆီယံနှင့်ဆိုင်သော ဗဟုသုတများကို သိရှိနားလည်နိုင်ရန် ဆောင်ရွက်ပေးလျှက်သည်။ SEA Junction ရုံးကို Bangkok Art and Culture Center (BACC)၏ စတုတ္ထထပ် (MBK shopping Mall မျက်နှာချင်းဆိုင်) တွင် ဖွင့်လှစ်ထားသည်။ SEA Junction အကြောင်းပိုမို သိရှိလိုပါက SEA Junction website (http://seajunction.org/)တွင် ဝင်ရောက်ကြည့်ရှုခြင်းဖြင့်သော်လည်းကောင် Facebook, Twitter, Instagramတို့တွင် follow လုပ်ထားနိုင်ပါသည်။

Asia Justic and Rights (AJAR)

Asia Justic and Rights (AJAR)သည် အင်ဒိုနီးရှားနိုင်ငံ ဂျာကာတာတွင် အခြေစိုက်သော အစိုးရမဟုတ်သော အဖွဲ့အစည်းတစ်ခုဖြစ်သည်။အာရှ-ပစိဖိတ်ဒေသတွင် လူ့အခွင့်အရေးများကို အလေးထားအားကောင်းလာစေရန်နှင့် အာရှ-ပစိဖိတ်ဒေသတွင်း ဉပဒေမဲ့ပြစ်မှုကျူးလွန်ထားသော်လည်း တရားမဲ့ကင်းလွတ်ခွင့်ရနေသူများကို အပြစ်ပေးအရေးယူဆောင်ရွက်ပေးရေး  ပါ၀င်ကူညီရန် ရည်ရွယ်၍ တည်ထောင်ထားခြင်းဖြစ်ပါသည်။ လူ့အခွင့်အရေးချိုးဖောက်မှုများကို တာဝန်ခံမှုရှိလာစေရေး၊ တရားမျှတာမှုရရှိအောင်ဆောင်ရွက်မှု၊ ထပ်တလဲလဲကျူးလွန်ခြင်းများမှ ကာကွယ်ရန် ယဉ်ကျေးသော အသိုက်အ၀န်း တစ်ရပ်တည်ဆောက်ရန် ကြိုးပမ်းဆောင်ရွက်လျှက်ရှိသည်။ ယခင်က အခြေခံလူအခွင့်အရေးများကို ချိုးဖောက်ကျူးလွန်ပြီး ယခုအခါ   ဒီမိုကရေစီအသွင်ကူးပြောင်းရေး ဆောင်ရွက်နေသည့် နိုင်ငံများတွင် အဓိကထားလုပ် ဆောင်လျှက်ရှိသည်။ Asia Justic and Rights (AJAR) အကြောင်းပိုမို သိရှိလိုပါက  https://asia-ajar.org/ တွင်ဝင်ရောက်ကြည့်ရှုနိုင်ပါသည်။

VISUALREBELLION.ORG

Visual Rebellion သည် ၂၀၂၁ ခုနှစ် အာဏာသိမ်းမှုနောက်ပိုင်း မြန်မာသတင်းထောက်များ၊ ဓာတ်ပုံပညာရှင်များ၊ ရုပ်ရှင်ရိုက်ကူးပညာရှင်များနှင့်အနုပညာရှင်များအား ကူညီထောက်ပံ့ရန်နှင့် ၄င်းတို့၏လက်ရာများကိုထုတ်ဝေနိုင်ရန် ဖွဲ့စည်းထားသည့် စုပေါင်းပလက်ဖောင်းတစ်ခုဖြစ်သည်။

တီထွင်ဖန်တီးမှုနှင့်မီဒီယာအသိုင်းအဝိုင်းများသည် အထူးသဖြင့်ညှင်းပန်းနှိပ်စက်ခံနေရပြီး သတင်းရယူမှုကိုလျှို့ဝှက်လုပ်ဆောင်နေရသည်။ အာဏာသိမ်းစစ်တပ်၏ သတ်ဖြတ်မှုကြောင့် သတင်းထောက် သုံးဦးသေဆုံးပြီး သတင်းထောက် ၁၂၀ ကျော်ဖမ်းဆီးခံထားရသည်သာမက မြန်မာနိုင်ငံသည် သတင်းလွတ်လပ်ခွင့်အနေဖြင့် နိုင်ငံပေါင်း ၁၈၀ တွင် ၁၇၆ အဆင့်သို့ လျော့ကျသွားသည်။ နိုင်ငံအတွင်း သတင်းအချက်အလက်ဆိုင်ရာတိုက်ပွဲအရှိန်အဟုန်ပြင်းထန်လာသည်နှင့်အညီ Visual Rebellion အနေဖြင့် မြန်မာနိုင်ငံတွင်ဖြစ်ပျက်နေသောအကြောင်းအရာများနှင့်ပတ်သက်၍ တန်ဖိုးကြီးပြီးယုံကြည်ရသော အကြောင်းအရာများကို ဆက်လက်ထုတ်လုပ်ပြီးဖြန့်ဝေနိုင်ရန်အတွက် မြန်မာဖန်တီးပညာရှင်များကို လိုအပ်သောအရင်းအမြစ်များထောက်ပံ့နိုင်ရန်ရည်ရွယ်သည်။

၄င်းတို့၏ အချိန်မျဉ်း (https://visualrebellion.org/timeline) သည် အာဏာသိမ်းချိန်မှစတင်၍ မြေပြင်တွင်ဖြစ်ပေါ်နေသောအဖြစ်အပျက်များကို မြန်မာနိုင်ငံနှင့်ထိုင်းနိုင်ငံနယ်စပ်တွင် အခြေစိုက်သော အဖွဲ့များ၏မူရင်းအစီရင်ခံစာနှင့်ဓာတ်ပုံများနှင့်အတူတကွ တစ်လနှစ်ကြိမ်တင်ပြလျှက်ရှိသည်။ 
Visual Rebellion

 

မေ ၁ ရက်၊ ၂၀၂၂၊ ထိုင်းနှင့်မြန်မာအလုပ်သမားတို့ စည်းလုံးညီညွတ်သည့်လ

ဗန်ကောက်၊ ထိုင်းနိုင်ငံ။ ။ မြန်မာနိုင်ငံ၌ ဒီမိုကရေစီလိုလားကြသည့် ဆန္ဒပြပွဲများ အန္တရာယ်များကြား ပြုလုပ်ရသည့် မတ်လ ၂၀၂၁ ခုနှစ်မှစ၍ ထိုင်းနိုင်ငံ၌ ရာဂဏန်းချီသည့်မြန်မာအလုပ်သမားများသည် မေဒေးနေ့ ရိုးရာကိုအကြောင်းပြု၍ ဗန်ကောက်မြို့လယ်ခေါင်လမ်းမများပေါ်၌ ဆန္ဒပြကြသည်။ အလုပ်သမားများသည် မိခင်နိုင်ငံ၌အာဏာသိမ်းစစ်အစိုးရအား ဆန္ဒပြကြသကဲ့သို့ ဆယ်စုနှစ်ပေါင်းများစွာကြာ ခေါင်းပုံဖြတ်၊  ဖိနှိပ်ခံနေရသည့် ဧည့်နိုင်ငံ၌ ပိုမိုကောင်းမွန်သည့် အလုပ်ခွင်ရရှိရန် တောင်းဆိုနေကြသည်။

 

မြန်မာအလုပ်သမားများသည် အလုပ်သမားအခွင့်အရေး ဆောင်ရွက်သူများ၊ ထိုင်းနိုင်ငံဥပဒေ ၁၁၂ အားဆန့်ကျင်ကြသည့် ထိုင်းနိုင်ငံသား နိုင်ငံရေးတက်ကြွလှုပ်ရှားသူများနှင့် ပူးပေါင်းလိုက်ကြသည်။ ပုဒ်မ ၁၁၂ သည် ထိုင်းဘုရင်၊ မိဖုရား၊ ဆွေတော်မျိုးတော်များအား ညှိုးနွမ်းစေရန် ပြောဆိုခြင်း၊ စော်ကားခြင်း၊ ခြိမ်းခြောက်ခြင်း ပြောဆို ရေးသားသည့် မည်သူမဆို ထောင်ဒဏ် သုံးနှစ်မှသည် ၁၅နှစ်အထိ ပြစ်ဒဏ်ကျခံရနိုင်သည်ဟု နိုင်ငံတကာမှ ပြောဆိုထားသည်။

 

ယခုအချိန်တွင်တော့ မြန်မာနှင့်ထိုင်းအလုပ်သမားများသည် အတူတကွစည်းလုံးကြ၍ နှစ်နိုင်ငံစလုံး၌ ၎င်းတို့၏ဘဝ ကောင်းမွန်ရေး၊ ကောင်းမွန်သည့်အုပ်ချုပ်ရေး၊ ဖွဲ့စည်းပုံအရ အာမခံသည့် ဒီမိုကရေစီစနစ် ပြန်လည်အသက်သွင်းရေးတို့အား တောင်းဆိုကြသည်။ စီတန်းနေသည့် အလုပ်သမားများသည် ဗန်ကောက် ပတူဝန်ရပ်ကွက်ရှိ Central World မှသည် ယဥ်ကျေးမှုနှင့် အနုပညာစင်တာအထိ ချီတက်ကြပြီး ထရပ်ကား၏အနောက်မှရပ်၍ အလုပ်သမား အထွေထွေသမဂ္ဂမှ ကိုယ်စားလှယ်များ၊ မြန်မာနှင့် ထိုင်းအလုပ်သမားခေါင်းဆောင်များမှ စကားပြောကြသည်။

 

၂၀၂၂ ခုနှစ်ဧပြီလမှစတင်၍ ဖွဲ့စည်းခဲ့သည့် နိုင်ငံရေးအဖွဲ့သည် နိုင်ငံမခွဲခြားပဲ စက်ရုံအလုပ်သမားများမှသည် အစားအသောက်ဝန်ဆောင်မှု အလုပ်သမားများမှသည် တက်တူးဖန်တီးရှင်အဆုံး အလွှာပေါင်းစုံမှ အလုပ်သမားအစုအဖွဲ့များအား အကူအညီပေးနေသည်။ ယခုအချိန်အထိ အဖွဲ့တွင် အလုပ်သမားပေါင်း နှစ်ထောင်ခန့် မှတ်ပုံတင်ထားပြီး အဖွဲ့အားဦးဆောင်နိုင်ရန် ကော်မတီတခုဖွဲ့စည်းရန်ပြင်ဆင်နေသည်ဟု ပြောရေးဆိုခွင့်ရှိသူမှ ဆိုသည်။

 

“ကျွန်တော်တို့ ၉၉ ရာခိုင်နှုန်းသော ထိုင်းနိုင်ငံသားအလုပ်သမားတွေနဲ့ အလုပ်လုပ်ဖို့ ရည်ရွယ်ပါတယ်။ ကျန်တဲ့ ၁ရာခိုင်နှုန်းကတော့ အားလုံးကိုပိုင်ဆိုင်သူတွေလို့ သတ်မှတ်ပါတယ်။ အခုအချိန်မှာတော့ သမဂ္ဂတွေဆိုတာ တရားမဝင်ပါဘူး။ သို့ပေမယ့် Move Forward ပါတီကတော့ သမဂ္ဂတွေ တရားဝင်ဖြစ်ရေး အပြည်ပြည်ဆိုင်ရာ အလုပ်သမားရေးရာအဖွဲ့ (ILO) ရဲ့ လုပ်ထုံးလုပ်နည်းတွေကို အသိအမှတ်ပြုဖို့အတွက် ကြိုးစားနေပါတယ်။ လက်ရှိအချိန်မှာတော့ ထိုင်းနိုင်ငံရဲ့ ဥပဒေအတိုင်းပဲ ဆက်သွားနေရမှာပါ။ သို့သော်လည်း ဒီဥပဒေတွေဟာ ထိုင်းလက်ရှိအစိုးရရဲ့ ချစားမှုအောက်မှာ ပျက်စီးနေပါတယ်။ သို့သော်လည်း ရေတိုရည်မှန်းချက်ဘောင်ထဲမှာ ကျွန်တော်တို့ တိုးတက်မှုရအောင် ကြိုးစားနေပါတယ်။ ကျွန်တော်တို့ အနေနဲ့ ဒီမိုကရေစီအရေးအတွက် တိုက်ပွဲဝင်နေသူတွေကို အကူအညီ ပေးနေပါတယ်။ အဲဒီအထဲမှာ အလုပ်ခွင်တွေထဲမှာ ချိုးဖေါက်ခံရတာတွေကို အကူအညီပေးတယ်၊ ရှေ့နေလိုတဲ့နေရာမှာ ရှေ့နေ၊ တရားရေးအတွက် ငွေကြေးလိုအပ်တယ်ဆိုရင် ကူညီနေပါတယ်။ ကျွန်တော်တို့ ရဲ့ ရည်မှန်းချက်ကတော့ အစိုးရက လူတိုင်းအပေါ် တပြေးညီကြည့်တဲ့ လူတိုင်းကောင်းမွန်တဲ့ ဘဝတွေကို ခံစားရဖို့ပါပဲ။ အဲဒီအတွက် ချမ်းသာတဲ့သူတွေအပေါ်မှာလည်း မျှတတဲ့ အခွန်ကောက်ခံမှုရှိဖို့နဲ့ သာတူညီမျှတဲ့ လူ့ဘောင်တခုကို ဖန်တီးသွားဖို့ပါပဲ။ ထိုင်းနိုင်ငံဟာ ကမ္ဘာမှာ သာတူညီမျှမှု မရှိတဲ့ လူ့အဖွဲ့အစည်းဖြစ်နေပါတယ်။ အဲဒီဟာကို ပြောင်းလဲပစ်နိုင်ဖို့ ကျွန်တော်တို့ ကြိုးပမ်းနေတာပါ။”

 

ထိုနေ့တရက်တည်း၌ မြန်မာနိုင်ငံသားများသည် မြန်မာသံရုံးရှေ့အပါအဝင် ဗန်ကောက်မြို့၏ နေရာ ငါးခု၌စုရုံးကြသည်။ မြန်မာသံရုံးသည် ထိုဆန္ဒပြသူများအား အမျိုးသားညီညွတ်ရေးအစိုးရ နှင့် ပြည်သူ့ကာကွယ်ရေးတပ်များအား မထောက်ခံရန် ခြိမ်းခြောက်ပြောဆိုသည်။ ထိုသို့ ဆန္ဒပြမှုကြောင့် မြန်မာအလုပ်သမားများသည် နေရပ် ပြန်လည်အပို့ခံရမည့် အန္တရာယ်လည်း ရှိနေသည့်အပြင် မြန်မာနိုင်ငံသို့ ပြန်ပို့ခံပါက ထောင်နန်းစံရန် ကြိမ်းသေပေါက်ဖြစ်နေသည်။

 

 “အခု အားလုံးသိတဲ့အတိုင်းပါပဲ။ မြန်မာသံရုံးက တော်လှန်ရေးအဖွဲ့တွေကို ထောက်ပံ့နေတဲ့ မြန်မာအလုပ်သမားတွေ အနေနဲ့ ဥပဒေအရ အရေးယူခံရမယ်ဆိုပြီး ကြေညာထားပါတယ်။ သူတို့ ပိုခြိမ်းခြောက်လေ၊ ကျွန်တော်တို့ကလည်း ပိုအုံကြွလေလေပါပဲ” ဟု မြန်မာဆန္ဒပြခေါင်းဆောင်တဦးမှ ပြောသည်။

 

မြန်မာပြည်တွင်း၌ စစ်ကောင်စီ၏ အကြမ်းဖက်ဖိနှိပ်မှုများကြောင့် ပြည်သူအများအပြား သေဆုံးသည့်အတွက် ဒီမိုကရေစီအရေးတောင်းဆို ဆန္ဒပြပွဲများ တဖြည်းဖြည်းအရှိန်လျော့ကျလာနေချိန် ပြည်ပနိုင်ငံများ၌ နေထိုင်နေကြသည့် မြန်မာနိုင်ငံသားများ၏ တိုက်ပွဲအရှိန်ကား မလျော့ပဲ တိုးလာနေပေသည်။ 

 

မေ ၂၂ တနင်္ဂနွေနေ့၌ အမျိုးသားညီညွတ်ရေးအစိုးရအား ကူညီရန်အတွက် မြန်မာရွှေ့ပြောင်းအလုပ်သမားများ စုပေါင်း၍ ဗန်ကောက်မြို့တွင် ဘောလုံးပွဲကျင်းပသည်။ “ကျွန်တော် အာဏာသိမ်းပြီးကတည်းက အလုပ်နားလိုက်တာ။ ဒါကကျွန်တော့်ရဲ့ အိပ်မက်ပါပဲ။ ကျွန်တော်တို့ တိုင်းပြည်အတွက် လုပ်ကိုလုပ်ရမယ်” ဟု ပွဲဖြစ်မြောက်ရေးအတွက် စည်းရုံးသူတဦးက ပြောသည်။ 

 

ထိုင်းဒီမိုကရေစီအရေးတက်ကြွလှုပ်ရှားသူများ “သာလူဖား” (Thalufah) အဖွဲ့မှ အားကစားသမားများ နှင့် “ပိုင်ဒေါင်ဒင်း” (Pai Dao Din) အဖွဲ့တို့ပါဝင်သည့် ဘောလုံးပွဲ ၁၀ပွဲ ကျင်းပခဲ့သည်။ အချို့အားကစား သမားများသည် လွန်ခဲ့သည့် စက်တင်ဘာလဆန္ဒပြမှုများတွင် ပါဝင်ခဲ့မှုကြောင့် အရေးယူခံထားရသည့်အတွက် ၎င်းတို့၏ခြေထောက်တွင် အီလက်ထရောနစ်သံခြေကွင်းများ ဝတ်ဆင်လျက် ကစားကြသည်ကို တွေ့ရသည်။ သာလူဖားအဖွဲ့ဝင် ၈ဦးသည် ဖမ်းဆီးခံရ၊ လပေါင်းများစွာ အကျဥ်းကျခံရပြီး လက်ရှိအချိန်တွင်လည်း ၎င်းတို့၏ အိမ်အပြင်သို့ ညနေ ၆နာရီနောက်ပိုင်း ထွက်ခွင့်အား ပိတ်ပင်ထားခြင်း ခံနေရသည့် သူများဖြစ်သည်။ “ကျွန်တော်တို့ လုပ်ဖော်ကိုင်ဖက် ရဲဘော်ရဲဘက်တွေကို လွှတ်ပေးဖို့အတွက် တချိန်လုံး တောင်းဆိုနေပါတယ်။ ရှေးရိုးစွဲဆန်တဲ့ ပါတီတွေရဲ့ အဓမ္မပြုကျင့်တဲ့ ယဥ်ကျေးမှုတွေပပျောက်ဖို့ ၊ အစိုးရအဆောက်အအုံများရှေ့မှာ သွားရောက်ပြီး ဖိအားပေးဖို့တွေကိုလည်း လုပ်ဆောင်ခဲ့ပါတယ်။ ဒီမိုကရေစီအခွင့်အရေးတွေအပြည့်အဝမရမခြင်း ကျွန်တော်တို့ လက်လျှော့လို့ မဖြစ်ပါဘူး။”

 

ဘောလုံးကစားရန်အတွက် အားကစားသမားတဦးလျှင် ဘတ် ၅၀၀ ပေးဆောင်ရသည်။ အကယ်၍ အဝါရောင်ကတ်ရလျှင် ဘတ် ၂၀၀ ဒဏ်ကြေး၊ အနီကတ်ရလျှင် ဘတ် ၅၀၀ ဒဏ်ကြေးပေးရသည်။ အမျိုးသားညီညွတ်ရေးအစိုးရ (NUG) အားထောက်ပံ့ရန် အစားအသောက်နှင့် တီရှပ်များ အားလည်း ရောင်းချပေးသည်။

 

ထိုနေ့ပွဲအား ထိုင်းနှင့်မြန်မာအဝန်းအဝိုင်း ခေါင်းဆောင်များမှ စကားပြောကြားခြင်းအား အားကစားကွင်းထဲ၌ ပြုလုပ်သည်။ ဘောလုံးကစားကြမည့်သူများနှင့် တက်ရောက်လာသူများမှ စစ်အာဏာရှင်စနစ်ဆန့်ကျင်ရေး နှင့် ဒီမိုကရေစီလိုလားသည့် ကြွေးကျော်သံများအား  ထိုင်းမြန်မာနှစ်ဘာသာဖြင့် တိုင်တည်ကြသည်။ ညနေပိုင်း၌ ဆုရရှိသည့် အကောင်းဆုံးအသင်း သုံးသင်းအား ဆုချီးမြှင့်သည်။ 

 

“ကျွန်တော်တို့ ဘားတွေ၊ စားသောက်ဆိုင်တွေ၊ အဝတ်အထည်ရောင်းတဲ့ဆိုင်တွေ၊ စက်ရုံတွေမှာ အလုပ်လုပ်ကြတယ်။ အခုလိုပွဲမျိုးတွေအတွက် ကျွန်တော်တို့ အလုပ်လုပ်တဲ့နေရာတွေမှာ မစည်းရုံးရဲပါဘူး ပြဿနာမရှာရဲပါဘူး။ ဘာကြောင့်လဲဆိုတော့ အလုပ်ပြုတ်မှာကြောက်လို့ပါ။ သို့သော်လည်း ကျွန်တော်တို့ အားလပ်တဲ့အချိန် မြန်မာပြည်သူတွေကို ကူညီချင်တယ်။ ဒါကြောင့် ကျွန်တော်တို့ သီတင်းပတ်ကုန်ဆုံးတဲ့ရက်တွေတိုင်းမှာ ရန်ပုံငွေရှာဖွေတဲ့ပွဲတွေ သို့မဟုတ် အွန်လိုင်းက ပွဲတခုခုမှာ ပါဝင်ကြတယ်”ဟု မိုးကုတ်မြို့မှ Ruby FC အသင်းမှ အသင်းဝင်တဦးက ပြောသည်။ မန္တလေးတိုင်းဒေသကြီးအတွင်းရှိ ပတ္တမြားမြေတွင် လပေါင်းများစွာကြာ စစ်ကောင်စီမှ အင်တာနက် ဒေတာများ ဖြတ်တောက်ထားသည်။ “မိုးကုတ်ကသတင်းတွေ ဘာမှမသိရဘူး။ မိုးကုတ်မှာရှိနေတဲ့ ပြည်သူတွေလည်း တိုင်းပြည်မှာ ဘာဖြစ်နေတယ်ဆိုတာ ဘာမှမသိရဘူး။ ဒီမှာရှိနေတဲ့ ကျွန်တော်တို့ တတ်နိုင်သလောက် လိုတဲ့သူတွေဆီကို ပို့ပေးနေပါတယ်။

 

နေပြည်တော်၌အာဏာသိမ်းပွဲပြီးကတည်းက ဗန်ကောက်မြို့ရှိ မြန်မာများ၏ဆန္ဒပြပွဲတိုင်းနီးပါး အကူအညီပေးနေသည့် ထိုင်းဘောလုံးသမားတဦး ယခုလို မှတ်ချက်ပြုသည် “မြန်မာနဲ့ထိုင်းနိုင်ငံသားတွေဟာ အခြေအနေချင်း တူညီတယ်။ ပြည်သူတွေ ဖိနှိပ်ခံနေရတယ်။ ကျွန်တော်တို့ဟာ ညီအကိုတွေဖြစ်ကြတယ်။ ဒါကြောင့် အပြန်အလှန်ကူညီရမယ်။ ဘာကြောင့်လဲဆိုတော့ ကျွန်တော်တို့အားလုံး ကောင်းမွန်တဲ့ အစိုးရ၊ သာယာတဲ့လူ့ဘောင်၊ ပိုတိုးတက်တဲ့ ဘဝတွေကို လိုချင်ကြတယ်။ အခုတော့ ကျွန်တော်တို့ နောက်ပြန်ဆုတ်လို့ မရတော့ဘူး။”

ဤစာမျက်နှာရှိအကြောင်းအရာများသည် သက်ဆိုင်ရာဖော်ပြပါရှိသော အဖွဲ့အစည်းများနှင့်သာ သက်ဆိုင်ပြီး International IDEA ၊ အဖွဲ့ဝင်နိုင်ငံများနှင့်အလှူရှင်နိုင်ငံများ၏ ရှုမြင်ပုံများကို ကိုယ်စားပြုခြင်းမရှိပါ။

 

အောက်ပါတို့မှ ကူညီပံ့ပိုးပေးထားပါသည်။ 
Support